Մյանմայում երկրաշարժի զոհերի թիվը հասել է 3564-ի

1487

Երկուշաբթի, 07 ապրիլի, 2025 թ., 16:21

Մյանմայում երկրաշարժի զոհերի թիվը հասել է 3564-ի, հայտնում է «Xinhua» գործակալությունը՝ վկայակոչելով իշխանություններին։

5012 մարդ վնասվածք է ստացել, ևս 210-ը համարվում է անհետ կորած:

Նախօրեին Մյանմայ էր այցելել ՄԱԿ-ի հումանիտար հարցերով ղեկավարի տեղեկալ Թոմ Ֆլեթչերը։ Նա հանդիպել էր տուժածների հետ երկրաշարժի էպիկենտրոնին մոտ գտնվող Մանդալայ քաղաքում և կոչ արել ողջ աշխարհին «համախմբվել Մյանմայի ժողովրդի շուրջ»։

Հիշեցնենք, որ 7,7 մագնիտուդ ուժգնությամբ երկրաշարժ էր տեղի ունեցել Մյանմայում։ Ցնցումները զգացվել էին հարևան 5 երկրներում, այդ թվում Թաիլանդում։