«Չեմ հավատում, Դուք մեծագույն մանիպուլյատոր եք». Ելենա Բորիսենկոն՝ Անի Օհանյանին

Դերասանուհի Ելենա Բորիսենկոն սոցկայքի իր էջում արձագանքել է Անդրեի նախկին կնոջ՝ Անի Օհանյանի աղմկահարույց գրառմանը. «Ես միշտ պաշտպանում եմ կանանց ու երբեք մեկնաբանություններ չեմ գրում խիստ անձնական թեմաներ շոշափող գրառումների տակ։ Բայց ես Ձեզ չեմ հավատում։ Թվում է՝ կանանց համար ցավոտ թեմա եք վեր հանում և կոչ անում չլռել՝ դրանով իսկ օրինակ հանդիսանալով ուրիշների համար, բայց Դուք մեծագույն մանիպուլյատոր եք, և կյանքի փորձ ունեցող ցանկացած ոք, կարդալով Ձեր գրառումը, կտարբերի ճշմարտությունը կեղծիքից։ Վստահ եմ, որ ճշմարտությունը կհաղթի, և Անդրեն մաքուր դուրս կգա Ձեր զրպարտությունից»,- գրել է Բորիսենկոն: