«Ուկրաինան գերի է վերցրել Ռուսաստանի համար կռվող` Չինաստանի երկու քաղաքացու». Զելենսկի

Ուկրաինացի զինվորականները Դոնեցկի մարզում գերի են վերցրել Չինաստանի երկու քաղաքացու, որոնք կռվելիս են ռուսական բանակի կողմից։

Այս մասին ապրիլի 8-ին հայտարարել է Ուկրաինայի նախագահ Վլադիմիր Զելենսկին։

Նրա խոսքով՝ ՊԲ-ն արդեն տեղեկություն ունի, որ ռուսական զորքերի շարքերում կարող են զգալիորեն ավելի շատ լինել նման գրոհայիններ. ստուգումն ու տեղեկատվության հավաքագրումը ներկայում շարունակվում են, և հետախուզական ծառայություններն աշխատում են այդ ուղղությամբ:

«Չինաստանը դարձել է երրորդ երկիրը Իրանից և ԿԺԴՀ-ից հետո, որի զինուժը աջակցում է Ռուսաստանի Դաշնությանը, բայց մի սկզբունքային տարբերությամբ՝ չինացիներն արդեն իսկ ուղիղ կռվում են Ուկրաինայի տարածքում»,- ասել է Զելենսկին։

Նա հանձնարարել է արտաքին գործերի և պաշտպանության նախարարությանն անհապաղ կապ հաստատել չինացի գործընկերների հետ և պահանջել պաշտոնական բացատրություններ։

Զելենսկին նաև ընդգծել է, որ Ուկրաինան չի կարող պատերազմել միանգամից մի քանի երկրների հետ և ակնկալում է, որ ԱՄՆ-ն այժմ իրավիճակը կքննարկի առաջին հերթին Կիևի, այլ ոչ թե Մոսկվայի հետ։