Կուրսկի մարզից նահանջող ուկրաինացի զինվորները չեն կարողանում իրենց հետ տանել զոհված ծառայակիցների մարմինները. ТАСС

Ուկրաինայի զինված ուժերը չեն կարողանում Կուրսկի շրջանից նահանջի ժամանակ զոհվածների մարմինները իրենց հետ տանել. նրանք ֆիզիկապես հնարավորություն չունեն տարհանելու ուկրաինացի զինվորների դիերը, քանի որ սահմանային գոտու բոլոր ճանապարհները վերահսկվում են ՌԴ ԶՈւ-ի կողմից։ Այս մասին ՏԱՍՍ-ին հայտնել է «Ռուսաստանի սպաներ» համառուսաստանյան կազմակերպության նախագահության անդամ, պաշտոնաթող գնդապետ Լևոն Արզանովը։ «Ուկրաինացի զինծառայողները թողնում են իրենց զոհված ընկերների մարմիններն առաջին հերթին այն պատճառով, որ մեր զորքերը առաջ են գնում, իսկ ուկրաինացիները, նահանջելով, ժամանակ չունեն իրենց զոհված զինվորների մարմինները տարհանելու համար։ Ըստ նրա, ռուս զինվորներն են Կուրսկի սահմանային շրջանից տարհանում Ուկրաինայի զինված ուժերի զինծառայողների դիերը։

Ավելի վաղ ՌԴ անվտանգության ուժերը ՏԱՍՍ-ին հայտնել էին, որ ռուսական զինված ուժերի զինծառայողները տարհանում են ուկրաինացի զինվորների մարմինները, որոնք Ուկրաինայի զինված ուժերի կողմից լքվել են Կուրսկի մարզի սահմանային գոտում։