ԱՄՆ-Ռուսաստան հարաբերություններում լուրջ փոփոխություններ չեն լինելու առանց Ուկրաինայում հրադադարի. Պետքարտուղարություն

ԱՄՆ-ն կարծում է, որ Ռուսաստանի Դաշնության հետ հարաբերություններում դինամիկա չի կարելի սպասել առանց Ուկրաինայում հրադադարի հաստատման։ Այս մասին ճեպազրույցում հայտարարել է Պետդեպարտամենտի մամուլի ծառայության ղեկավար Թեմմի Բրյուսը։

«Կարծում եմ, (Միացյալ Նահանգների նախագահ Դոնալդ Թրամփը) հասկացրել է, որ այս պահին Ռուսաստանի հետ օրակարգում միայն մեկ հարց կա, դա հրադադարն է (Ուկրաինայում): Եվ քանի դեռ այդ հարցը չի լուծվել, այլ հարցեր չեն քննարկվի»,- ասել է նա։