«Ռազմական գործողությունները կընդգրկեն Գազայի մեծ մասը»․ Իսրայելի ՊՆ

Իսրայելի պաշտպանության նախարարությունը Գազայի բնակիչներին կոչ է արել լքել մարտական ​​գործողությունների գոտիները, որոնք մոտ օրերս կընդգրկեն «Գազայի հատվածի մեծ մասը»․ հայտնում է euronews-ը։
Ուրբաթ առավոտյան Իսրայելի պաշտպանության բանակը պաղեստինցիներին հրահանգել էր անհապաղ տարհանվել Շուջաիա, Թուրքման, Զեյթուն և Տուֆա շրջաններից։ Հաջորդ օրն Իսրայելի պաշտպանության նախարարությունը հայտարարել է առաջիկա օրերին ռազմական գործողությունների ընդլայնման մասին և կոչ արել տարհանել խաղաղ բնակիչներին։

«Եկել է ոտքի կանգնելու, ՀԱՄԱՍ-ին դուրս մղելու և իսրայելցի բոլոր պատանդներին ազատելու ժամանակը: Սա պատերազմին վերջ տալու միակ միջոցն է»,- դիմելով պաղեստինցիներին՝ ասել է գերատեսչության ղեկավար Իսրայել Կացը։