Մյանմայում կրկին երկրաշարժ է տեղի ունեցել

Մյանմայում կրկին երկրաշարժ է գրանցվել, այս անգամ 5,5 մագնիտուդ ուժգնությամբ։ Այս մասին հայտնում է Եվրոպական-միջերկրածովյան սեյսմոլոգիական կենտրոնը (EMSC): Ստորգետնյա ցնցումները տեղի են ունեցել Մանդալայ քաղաքից 84 կմ հարավ: Այնտեղ ապրում է 1,2 միլիոն մարդ։

Ստորգետնյա ցնցումների հետևանքով զոհերի և ավերածությունների մասին տեղեկություններ չկան։ Երկրաշարժի էպիկենտրոնը գտնվել է 35 կմ խորության վրա։

Հիշեցնենք՝ մարտի 28-ին Մյանմարում 7,7 մագնիտուդ ուժգնությամբ երկրաշարժ էր տեղի ունեցել, ցնցումները զգացվել են Թաիլանդում, Չինաստանում և Վիետնամում։ Արդյունքում զոհվել է առնվազն 3600 մարդ, ավելի քան 5000-ը՝ վիրավորվել, 160-ը անհետ կորել է։ Ավելի քան 3 միլիոն մարդ ստիպված է եղել լքել իրենց տները։