«Թշնամին ծածկագրերով վերացնում է մեր «ցուլին»». Գոհար Ասատրյան

Ազգային զարդանախշերով հագուստների մոդելավորող-դերձակ Գոհար Ասատրյանը ֆեյսբուքյան իր էջում գրել է. «Առաջին երեք նկարներում Էրեբունի թանգարանի պատի վրայի պատկերն է։

Հագուստի վրա վերականգնել ենք սույն պատկերը՝ իր գունային ողջ իսկությամբ, բացառությամբ երկնագույնի, քանի որ երկնագույնը եղել է հենց պատի գույնը, այսինքն, ֆոնը։

Ինչպես տեսնում ենք, զարդանախշի մի կողմում խրոխտ կանգնած առյուծ է, մյուս կողմում՝ ցուլ։
Վերջին նկարում թրքական աղավաղված գործվածքն է, այն չի համապատասխանում ո'չ իր ձևով, ո'չ գունապնակով։ Ինչպես տեսնում ենք, առյուծը հակառակ ուղղությամբ է կանգնած, և իր կառուցվածքով առյուծի նման էլ չի, իսկ ցուլն ընդհանրապես չկա։

Հասկանում ենք՝ թշնամին, բացի հայոց մշակույթը աղավաղելուց, ծածկագրերով վերացնում կամ պատրաստվում է վերացնել մեր «ցուլին»։
ՃԱՆԱՉԵՆՔ ՀԱՅԿԱԿԱՆԸ»: