«Կայացավ Տիգրան Ավինյանի հոր դեմ գործով դատական առաջին նիստը»․ Գրիգոր Իսկանդարյան

«Երևան քաղաքի առաջին ատյանի ընդհանուր իրավասության քաղաքացիական դատարանում այսօր կայացավ Տիգրան Ավինյանի հոր դեմ իմ ներկայացրած հայցի առաջին նիստը»,- ֆեյսբուքյան եթերում հայտնեց Երևանի ավագանու «Մայր Հայաստան» խմբակցության անդամ Գրիգոր Իսկանդարյանը։
Հիշեցնենք՝ հունվարի 17-ին Գրիգոր Իսկանդարյանը «գեղի «Opel»-ներով համբալներ» արտահայտության համար դատի էր տվել քաղաքապետ Տիգրան Ավինյանի հորը՝ Արմեն Ավինյանին։ Ավագանու անդամը որպես վիրավորանքի հատուցում պահանջում էր 500 հազար դրամ:
«Հայցը ներկայացրել եմ, քանի որ ինքս էլ «Opel» ունեմ։ Դատական նիստը կայացավ, հաջորդ նիստը մայիսի 29-ին է։ Նշեմ, որ Տիգրան Ավինյանի հոր կողմից ոչ ոք ներկա չէր, անգամ փաստաբանը։ Ներկայացվել են բոլոր ապացույցները։ Հաջորդիվ կհասկանաք, թե ինչ է կատարվելու»,- ասաց Իսկանդարյանը։