«Ուկրաինային օգնելուց բացի, ուզում ենք գումար վաստակել»․ Տուսկ

Լեհաստանը չի ցանկանում պարզապես համերաշխ լինել Ուկրաինայի հետ, այլ ցանկանում է գումար վաստակել, հայտարարել է վարչապետ Դոնալդ Տուսկը՝ ելույթ ունենալով Վարշավայում Նոր տեխնոլոգիաների ֆորումում։
«Մենք և ամբողջ աշխարհը, հնարավորության դեպքում, կօգնենք Ուկրաինայի վերականգնմանը: Բայց մենք այլևս միամտորեն չենք օգնի: Այնպես չի լինի, որ Լեհաստանը համերաշխ լինի Ուկրաինայի հետ, իսկ մյուսները գումար վաստակեն այդ երկրի վերականգնման համար»,- ասել է Տուսկը:
«Մենք համերաշխ ենք լինելու, և դրանից գումար կվաստակենք, մենք հաստատակամորեն կպաշտպանենք ենք մեր երկրի և լեհական ընկերությունների շահերը»,- հավելել է Տուսկը։