«ԱՄՆ-ն չի միանա G7-ի՝ Սումիի հարվածը դատապարտող հայտարարությանը»․ #Bloomberg

ԱՄՆ նախագահ Դոնալդ Թրամփի վարչակազմը Մեծ յոթնյակի (G7) իր դաշնակիցներին հայտնել է, որ չի ստորագրի Սումիին ռուսական հարվածը դատապարտող խմբի հայտարարության տակ, հայտնել է Bloomberg-ը։

Վաշինգթոնն իր որոշումը բացատրել է նրանով, որ «աշխատում է խաղաղ բանակցությունների համար տարածություն պահպանելու ուղղությամբ»:

Կանադան, որն այս տարի նախագահում է G7-ը, դաշնակիցներին հայտնել է, որ առանց ԱՄՆ աջակցության չեն կարող նման հայտարարություն անել:

Հիշեցնենք՝ ապրիլի 13-ին Ռուսաստանն Ուկրաինայի Սումի քաղաքին հարված է հասցրել «Իսկանդեր-Մ» օպերատիվ-մարտավարական հրթիռներով։

Վերջին տվյալներով՝ հարվածի հետևանքով զոհվել է 35, վիրավորվել՝ 125 մարդ։