Թրամփն առաջարկել է Հարվարդի համալսարանին զրկել չհարկվող կարգավիճակից

Թրամփն առաջարկում է զրկել Հարվարդի համալսարանին հարկերից ազատված կարգավիճակից
ԱՄՆ-ի նախագահ Դոնալդ Թրամփն առաջարկել է Հարվարդի համալսարանին զրկել հարկերից ազատ կարգավիճակից, քանի որ այն, նախագահի կարծիքով, քարոզում է վտանգավոր գաղափարական շարժումներ։
«Միգուցե Հարվարդը կորցնի իր՝ հարկերից ազատված կարգավիճակը և հարկվի՝ որպես քաղաքական կազմակերպություն, եթե շարունակի քարոզել քաղաքական, գաղափարական և ահաբեկչությունից ոգեշնչված և այն աջակցող «ախտ»: Հիշեք, որ հարկերից ազատված կարգավիճակը լիովին կախված է հանրային շահերից ելնող գործունեությամբ»,- գրել է Թրամփը Truth Social սոցցանցի իր էջում: ԱՄՆ-ի կրթության դեպարտամենտն ավելի վաղ հայտարարել էր, որ կրճատում է Հարվարդի համալսարանի պետական ​​ֆինանսավորումը $2,2 միլիարդով։ Ամերիկյան լրատվամիջոցները հաղորդում են, որ Թրամփի վարչակազմը մի շարք պահանջներ է ներկայացրել համալսարանի ղեկավարությանը ֆինանսավորումը պահպանելու համար, այդ թվում՝ հրաժարվել բազմազանության, հավասարության և ներառականության ծրագրից: Հարվարդի պաշտոնյաները երկուշաբթի հայտնել են, որ իրենք թույլ չեն տա կուսակցական կառավարությանը՝ թելադրել, թե «ինչ կարող է դասավանդել մասնավոր համալսարանը, ում կարող է ընդունել կամ ում կարող է վարձել»:
Սպիտակ տունը նախկինում պահանջել էր ամերիկյան համալսարաններից ապահովել հրեա ուսանողների պաշտպանությունը՝ սպառնալով կրճատել ֆինանսավորումը։ Նշենք, որ ամերիկյան համալսարաններում երբեմն հակաիսրայելական ցույցեր են տեղի ունենում՝ կապված Մերձավոր Արևելքում պաղեստինյան ՀԱՄԱՍ շարժման և Իսրայելի միջև հակամարտության սրման հետ։