Թրամփը մեկ տարով երկարաձգել է ամերիկյան նավահանգիստներում ռուսական նավերի ընդունման արգելքը

923

Չորեքշաբթի, 16 ապրիլի, 2025 թ., 21:32

ԱՄՆ-ի նախագահ Դոնալդ Թրամփը ևս մեկ տարով երկարաձգել է երկրի նավահանգիստներում Ռուսաստանի դրոշով կամ Ռուսաստանի Դաշնության հետ այլ կերպ կապված նավերի ընդունման արգելքը։ Այս մասին ասվում է Դաշնային ռեգիստրում տեղադրված՝ Սպիտակ տան փաստաթղթում։

«Ռուսաստանի կառավարության քաղաքականությունն ու գործողությունները շարունակում են ստեղծել ազգային արտակարգ իրավիճակ (Վաշինգթոնի համար-խմբ.)՝ վնաս պատճառելով կամ սպառնալով Միացյալ Նահանգների միջազգային հարաբերություններին»,- ասվում է փաստաթղթում։

Համապատասխան արգելքը մտցվել է ԱՄՆ-ի նախկին նախագահ Ջո Բայդենի կողմից 2022 թվականի ապրիլի 21-ին:
Հրամանագրում նաև նշվում է, թե որ նավերն են այս դեպքում համարվում Ռուսաստանի Դաշնության հետ կապված: Դրանք, այն նավերն են, որոնք կրում են Ռուսաստանի դրոշ, կամ նրանց սեփականատերը «Ռուսաստանի Դաշնության կառավարությունն է կամ ռուսական ընկերություն, Ռուսաստանի Դաշնության քաղաքացին կամ մշտական ռեզիդենտը», ինչպես նաև այն նավերը, որոնք շահագործվում են Ռուսաստանի կողմից, և «ռուսական ընկերությունը, քաղաքացին կամ մշտական բնակիչը պատասխանատու է նավի օգտագործման առևտրային որոշումներ կայացնելու համար»: