«Վրաստանում փոխարտգործնախարարների հանդիպումը դրական զարգացում է»․ Բայրամով

Թբիլիսիում տեղի է ունենում Ադրբեջանի, Հայաստանի և Վրաստանի փոխարտգործնախարարների հանդիպումը։ ԱՊԱ-ի փոխանցմամբ՝ այս մասին Սլովենիայի արտգործնախարարի հետ համատեղ մամուլի ասուլիսում հայտնել է Ադրբեջանի ԱԳՆ ղեկավար Ջեյհուն Բայրամովը։

«Այս հանդիպման ընթացքում քննարկվում են երեք երկրներին հուզող հարցեր, դրանք երկկողմանի հարցեր չեն, քննարկվում են ընդհանուր հետաքրքրություն ներկայացնող հարցեր՝ չշոշափելով մեր միջև առկա բաց հարցերը։ Այսօր քննարկման թեմաները կլինեն անդրսահմանային գետերը և մի շարք այլ հարցեր։

Ընդհանուր առմամբ, նման հարթակի ստեղծումը մենք տեսնում ենք որպես դրական զարգացում»,- ասել է Բայրամովը։