Կիրակի, 01 նոյեմբերի, 2026 թ.
|
Ստեփանակերտում`   +11 °C

Anonymous-ը քիբերհարձակում է գործել Կրեմլի վրա՝ Ուկրաինային աջակցելու համար

Anonymous-ը քիբերհարձակում է գործել Կրեմլի վրա՝ Ուկրաինային աջակցելու համար
1375
Հինգշաբթի, 17 ապրիլի, 2025 թ., 23:15

Anonymous ցանցահենային խումբը քիբերհարձակում է գործել Կրեմլի վրա՝ Ուկրաինային աջակցելու համար։ Ակտիվիստները հրապարակել են մոտ 10 տերաբայթանոց քեշ, որը, ըստ նրանց, պարունակում է «տվյալներ Ռուսաստանում գործող բոլոր ընկերությունների, Արևմուտքում Կրեմլի ակտիվների, ռուսամետ պաշտոնյաների, Դոնալդ Թրամփի և այլնի մասին»։ Այս մասին հայտնում է Forbes-ը։

Աղբյուրը նշում է, որ Anonymous-ի հարձակումներն այլևս նախկինի նման ազդեցություն չեն ունենում՝ հավանաբար՝ դրանց քանակի պատճառով։

Ավելին, Cybernews-ը հավելել է, որ «մինչ այժմ վերլուծված ֆայլերից ընդհանուր եզրակացությունն այն է, որ արտահոսած տեղեկատվությունն այնքան էլ տպավորիչ չէ և, ըստ երևույթին, որևէ հատուկ գաղտնիք չի պարունակում»:

Forbes-ը նշել է, որ դժվար թե որևէ մեկը զարմանա ռուս պաշտոնյաների շրջանում կոռուպցիայի կամ արևմտյան երկրների հետ նրանց սերտ կապերի մասին տեղեկություններից։ Վերլուծաբաններից մեկն ընդգծել է, որ «արխիվը հիմնականում պարունակում է տվյալներ Ռուսաստանի առանձին ընկերությունների մասին: Այն կարող է օգտակար լինել Ուկրաինայի զինված ուժերին, քանի որ այն պարունակում է հարյուրավոր PDF ֆայլեր՝ կապված Ռուսաստանի պաշտպանական ընկերությունների հետ»։

Հաշվի առնելով պահոցի չափը, կարող են օրեր անցնել, մինչև տվյալների ավելի մանրակրկիտ վերլուծությունը հասանելի դառնա:

Կարդացե՛ք նաև