«Ուկրաինան և ԱՄՆ-ն օգտակար ռեսուրսների համաձայնագրի վերաբերյալ հուշագիր են ստորագրել»․ Սվիրիդենկո

584

Ուրբաթ, 18 ապրիլի, 2025 թ., 09:51

Ուկրաինան և ԱՄՆ-ն հանքային ռեսուրսների համաձայնագրի վերաբերյալ հուշագիր են ստորագրել։ Այս մասին հայտնել է Ուկրաինայի էկոնոմիկայի նախարար Յուլիա Սվիրիդենկոն։

«Այսօր առաջընթաց ենք արձանագրել Միացյալ Նահանգների հետ տնտեսական գործընկերության մասին ընդհանուր համաձայնագրի ուղղությամբ, ստորագրել ենք հուշագիր, որը հաստատում է մեր թիմերի կառուցողական համատեղ աշխատանքը և փոխշահավետ համաձայնագիրը վերջնական տեսքի բերելու և կնքելու մեր մտադրությունը»,- ընդգծել է նախարարը։

Նրա խոսքով՝ համաձայնագիրը «զգալի ներդրումների, ենթակառուցվածքների արդիականացման և Ուկրաինա-ԱՄՆ փոխշահավետ գործընկերության» հնարավորություն կտա։

Համաձայնագրի շրջանակներում կողմերը կստեղծեն Ուկրաինայի վերականգնման համար ներդրումների հիմնադրամ, ասել է Սվիրիդենկոն։

Ավելի վաղ Ուկրաինայի նախագահ Վլադիմիր Զելենսկին հայտնել էր, որ Կիևը և Վաշինգթոնը կարող են հուշագիր ստորագրել ապրիլի 17-ին՝ պարզաբանելով, որ դա «մտադրությունների հուշագիր» է, այլ ոչ թե բուն համաձայնագիրը։