Երեքշաբթի, 14 հոկտեմբերի, 2025 թ.
|
Ստեփանակերտում`   +12 °C

Ապրիլի 18-ը Հուշարձանների պահպանության միջազգային օրն է

Ապրիլի 18-ը Հուշարձանների պահպանության միջազգային օրն է
1367
Ուրբաթ, 18 ապրիլի, 2025 թ., 17:12

1983 թվականից ՅՈՒՆԵՍԿՕ-ի որոշմամբ ապրիլի 18-ը նշվում է որպես Հուշարձանների պահպանության միջազգային օր: Օրվա նպատակն է բարձրացնել մարդկության իրազեկությունը մշակութային ժառանգության, նրանց խոցելիության մասին և անհրաժեշտ ջանքեր գործադրել նրա պաշտպանության և պահպանման համար:

Այս օրը աշխարհով մեկ տարբեր միջոցառումներ են իրականացվում՝ համաշխարհային ժառագության և պարզապես հուշարձանների այցելություններ, համաժողովներ, հուշարձանների և տեսարժան վայրերի մաքրում, կլոր սեղաններ։ Հնարավորություն է ընձեռվում մեծացնելու հասարակության տեղեկացվածությունը համաշխարհային ժառանգության բազմազանության, դրա պահպանությանն ու պաշտպանությանն ուղղված ջանքերի վերաբերյալ:
1993թ. սեպտեմբերի 5-ին, Հայաստանը վավերացրեց համաշխարհային ժառանգության կոնվենցիան՝ միանալով միջազգային օրվան։
Հայաստանում 25 հազարից ավելի պատմամշակութային հուշարձաններ կան, որոնց թիվն ավելանում է տարեցտարի՝ շնորհիվ ամենամյա տարբեր հնագիտական պեղումների և ուսումնասիրությունների։