«ԱՄՆ-Ուկրաինա հանքային գործարքը կապ չունի խաղաղ կարգավորման հետ»․ Պետդեպ

ԱՄՆ Պետդեպարտամենտի խոսնակ Թեմմի Բրյուսը հայտարարել է, որ Վաշինգտոնի և Կիևի միջև հազվագյուտ հողային մետաղների վերաբերյալ համաձայնագիրը կապված չէ Ուկրաինայի հակամարտության կարգավորման գործընթացի հետ։ ԱՄՆ նախագահ Դոնալդ Թրամփը հայտարարել է, որ համաձայնագիրը նախատեսվում է ստորագրել ապրիլի 24-ին։

«Սա առանձին բան է: Սա հրադադարի շուրջ բանակցությունների մաս չէ: Սա համաձայնագրի մաս չէ, որը կկանգնեցնի այս աղետը», - ասել է Թեմմի Բրյուսը Fox News-ի եթերում:

Ապրիլի 17-ին Դոնալդ Թրամփը հայտարարել էր, որ Վաշինգտոնն այս շաբաթ ակնկալում է ստանալ Մոսկվայի պատասխանը Ուկրաինայում հրադադարի մասին իր առաջարկի վերաբերյալ։ ԱՄՆ պետքարտուղար Մարկո Ռուբիոն հայտարարել է, որ երկրի իշխանությունները կհրաժարվեն Ռուսաստանի և Ուկրաինայի միջև միջնորդությունից, եթե մոտ ապագայում հնարավոր չլինի հասնել ռազմական գործողությունների ավարտին։