Փենթագոնը հայտարարել է Արևելյան Եվրոպայում 6000 զինվորականի ռոտացիայի մասին 

ԱՄՆ-ի պաշտպանության նախարարությունը հայտարարել է, որ այս ամառ Արևելյան Եվրոպայում իրենց ծառայությունը կանցկացնի մոտ 6000 ամերիկացի զինվորական:

Ըստ այդ տվյալների՝ 3-րդ զրահատանկային բրիգադի 1-ին հետևակային դիվիզիան կփոխարինի Եվրոպայում 1-ին զրահատանկային բրիգադի 3-րդ հետևակային դիվիզիային։ Վերջինիս մի քանի մարտիկներ վերջերս մահացել են Լիտվայում՝ վարժանքների ժամանակ։
Ինչպես գրում է ամերիկյան Task&Purpose ռազմական հարթակը, սա մոտ 6000 ամերիկացի զինվորների ծրագրված ռոտացիա է Atlantic Resolve գործողության շրջանակներում։ ԱՄՆ-ը և ՆԱՏՕ-ն այն իրականացնում են 2014 թվականից: Ամերիկյան զորքերն 9 ամսով ծառայելու են Բուլղարիայում, Հունգարիայում, Լեհաստանում, Ռումինիայում և Բալթյան երկրներում:

Միջին հաշվով ԱՄՆ-ի բանակում յուրաքանչյուր բրիգադ ունի մոտ 3-5 հազար զինվոր։