«Քննադատողները թող մտածեն` արդյո՞ք իրենք բավարար աջակցել են իրենց սիրելի արտիստներին». Վան Եղիազարյան

«Նեմրա» ռոք-խմբի մենակատար Վան Եղիազարյանը ֆեյսբուքյան իր էջում գրել է. «Ամեն բեմ բարձրացող մարդ կերազի ունենալ էն աջակցությունն, ինչ կար Թաթուլի համերգի տեսանյութում, քննադատողները թող մտածեն՝ արդյո՞ք իրենք բավարար աջակցել են իրենց սիրելի արտիստներին, որոնց իրենք համարում են որակյալ:
Ու չեմ հասկանում՝ ինչն ա զարմանալի էս ամեն ինչի մեջ, որ շատերը շշմել են: Ուղղակի տպավորություն ա, որ մի կլկլացնող երգիչի համերգն ավելի սարսափելի ա ձեզ համար, քան մյուս կլկլացնողներինը: Թե՞, որ մյուսները կարան մոդայիկ ու գունեղ հագնվեն, կամ ռուսերեն էլ կլկլացնեն, դրանից կլկլոցը կամ ռեստորանային երաժշտությունը մեծ բեմերում դառնում ա ընդունելի ձեր համար: Ախր տեսնում եմ, նույն մարդը, որ քննադատում ա սա, վայելում ա լրիվ նույն բովանդակության այլ փաթեթավորումը...
Ինչի՞ց տենց արթնացաք ու զարմացաք հանկարծ, ամեն օր էտ մշակույթը չեք տեսնո՞ւմ ձեր շրջապատում, փողոցներում, ամեն տեղ: էտ ոճի երաժշտությունը, ապրելակերպը, մտածելակերպն արմատացած են մեր երկրում ու սփյուռքում ու բնական ա, որ էտ ոճի ամենասիրված արտիստի համերգին պետք ա անհավանական շատ մարդ գնա:
Թուլացեք, վայելեք: Քանի դեռ շատերդ չեք հասկացել, որ պայքարում են ոչ թե ընդդեմ մի վատ բանի, այլ հանուն մի լավ բանի: Վատ բան տեսնելուց (ձեզ համար վատ համարվող), միանգամից ատելություն եք սփռում, տարածում ու մեկնաբանում եք, լավ բան տեսնելուց միայնակ եք վայելում ու դրանով, շատ դեպքերում, կարճացնում եք էտ լավ բանի կյանքը:
Ու բոլոր ոլորտներին ա դա վերաբերում»: