««Արևմտյան Ադրբեջան» կոչեցյալի բարբարոս տարբերությունը հավերժական քաղաքակրթական Հայաստանից». Վարդան Ոսկանյան

Իրանագետ Վարդան Ոսկանյանի ֆեյսբուքյան գրառումը․ «Թիկունքիս Զանգակատուն գյուղի լեռներում գտնվող խոնարհված Սպիտակ վանքն է՝ նույնանուն գյուղատեղիի տարածքում։
Մեր նախնիների՝ 12-13-րդ դարում կերտած այս համալիրի պատմական անվանումը մեզ, ցավոք, առայժմ հայտնի չէ։ Միգուցե, պեղումներ անցկացնելու դեպքում որևէ արձանագրություն, այսուհանդերձ, կգտնվի՝ վանքի և/կամ գյուղատեղիի անվանումը պարունակող։
Ամենայն հավանականությամբ, 17-րդ դարում դատարկվելով հայերից, տարածքը հետագայում դարձել է վաչկատուն ցեղերի բնակատեղի, որտեղ գտնվելու մոտ 150-200-ամյա պատմության ընթացքում նրանց ձեռքը ոչ միայն գեթ մեկ քար չի ավելացրել Հայաստանի սրբազան հողի քաղաքակրթական լանդաշաֆտի այս սքանչելի անկյունին, այլ նաև գրեթե ամբողջությամբ ավերել է վանական համալիրը, այն վերանվանելով ինչ-որ «Աղքիլիսիա» (բռց.՝ Սպիտակ վանք») եկեղեցու պատերի սպիտակավուն սրբատաշ քարերի պատճառով։
Ահա սա է ինչ-որ շինծու «Արևմտյան Ադրբեջան» կոչեցյալի բարբարոս տարբերությունը հավերժական քաղաքակրթական Հայաստանից»։