«Խաղաղությունը հնարավոր է, երբ հենց ՌԴ-ն է շարժվում այդ ուղղությամբ»․ Զելենսկի

Վլադիմիր Զելենսկին հայտնել է, որ Ուկրաինան պահպանում է Ռուսաստանին ուղղված իր առաջարկը՝ դադարեցնել հարվածները քաղաքացիական ենթակառուցվածքներին:

«Ուկրաինան պահպանում է իր առաջարկը՝ չհարվածել առնվազն քաղաքացիական ենթակառուցվածքներին: Եվ մենք հստակ պատասխան ենք ակնկալում Մոսկվայից: Մենք պատրաստ ենք ցանկացած խոսակցության, թե ինչպես դա ապահովել: Կա ակնհայտ, պարզ և հուսալի ճանապարհ, այն է՝ դադարեցնել հրթիռային հարվածներն ու հեռահար ԱԹՍ-ների կիրառումը, և դա ինքնաբերաբար կերաշխավորի քաղաքացիական ենթակառուցվածքների պահպանումը: Հենց հրադադարը՝ իրական, երկարաժամկետ, պետք է դառնա առաջին քայլը դեպի հուսալի և կայուն խաղաղություն»,- ասել է Զելենսկին։

Նախագահը խոստովանել է, որ Զատկի տոնին օդային տագնապներ չեն եղել, և ճակատի որոշ հատվածներում հանգիստ էր:

«Ուրեմն դա հնարավոր է»,- նշել է նա։

Սակայն, Զելենսկու խոսքով, Ռուսաստանը մերժել է Զատկից հետո հարաբերական լռություն պահպանելու իր առաջարկը։