Սիրիայում «Իսլամական ջիհադի» երկու ղեկավար է ձերբակալվել

Սիրիայի նոր իշխանությունները ձերբակալել են Սիրիայում պաղեստինյան «Իսլամական ջիհադ» շարժման ղեկավար Խալեդ Խալեդին և կազմակերպության կազմկոմիտեի ղեկավար Աբու Ալի Յասերին։

Ըստ Al-Quds-Al-Arabi գործակալության, Խալեդի ձերբակալությունը տեղի է ունեցել Պաղեստինի ինքնավարության նախագահ Մահմուդ Աբասի՝ Դամասկոս կատարած այցից և Սիրիայի նախագահ Ահմեդ ալ-Շարաայի հետ հանդիպումից հետո:

Մայրաքաղաք Դամասկոսում «Իսլամական ջիհադը» մի քանի կենտրոնակայաններ ենթարկվել են իսրայելական ռմբակոծությունների, որոնցից ամենավերջինը տեղի է ունեցել մարտի 13-ին, երբ Իսլամական ջիհադի գլխավոր քարտուղար Զիադ ալ-Նահալի տանը իսրայելական հրթիռային հարված է հասցվել՝ Դամասկոսից հյուսիս գտնվող Դումար շրջանում:

Սիրիայում գործում է ավելի քան 13 պաղեստինյան ահաբեկչական խմբավորում։ Սա պաղեստինցի ահաբեկչական շարժման առաջնորդների առաջին ձերբակալությունն է Սիրիայի տարածքում։

«Իսլամական ջիհադը» պաղեստինյան այն խմբավորումներից է, որը չի լքել Սիրիան նախորդ ռեժիմի տապալումից հետո: