Կիրակի, 29 մարտի, 2026 թ.
|
Ստեփանակերտում`   +10 °C

Զելենսկին հայտարարություն է տարածել հարվածների դադարեցման մասին

Զելենսկին հայտարարություն է տարածել հարվածների դադարեցման մասին
572
Երեքշաբթի, 22 ապրիլի, 2025 թ., 19:07

Քաղաքացիական օբյեկտների դեմ հրադադարի մասին Կիևի առաջարկն ուժի մեջ է մնում։ Այս մասին Telegram-ի իր ալիքում գրել է Ուկրաինայի նախագահ Վլադիմիր Զելենսկին։

Նա հիշեցրել է, որ Ուկրաինան առաջարկել է Զատիկից հետո երկարաձգել հրադադարը և այն ամբողջական դարձնել։

«Քաղաքացիական օբյեկտների նկատմամբ հրադադարի մասին մեր առաջարկը նույնպես ուժի մեջ է մնում: Ռուսաստանը պետք է լրջորեն պատրաստ լինի խոսել այդ մասին: «Ուկրաինական կողմից խոչընդոտներ չկան և չեն լինի»,- ընդգծել է Ուկրաինայի նախագահը:

Զելենսկին նաև ցուցադրել է ռուսական հարվածների հետևանքով Ուկրաինայի քաղաքներում քաղաքացիական օբյեկտների ոչնչացման լուսանկարները։ Զելենսկու խոսքով՝ Խարկովում ռուսական անօդաչու թռչող սարքի հարվածից հետո ներկայում փրկարարական աշխատանքները շարունակվում են։

Զելենսկին նաև նշել է, որ Ռուսաստանն այսօր դաժան հարված է հասցրել Զապորոժիեին օդային ռումբերով։ Նրա խոսքով՝ վնասվել են բնակելի շենքեր։ Նա ընդգծել է, որ եղել է զոհ, վիրավորվել է ավելի քան 20 մարդ, այդ թվում՝ չորս երեխա։