«Ուկրաինան պատրաստ է երկկողմ բանակցություններ սկսել Ռուսաստանի հետ». Զելենսկի

Ուկրաինան կարող է երկկողմ բանակցություններ սկսել Ռուսաստանի հետ. նման երկխոսությունը հնարավոր է լիակատար զինադադարից հետո։ Այս մասին հայտարարել է Ուկրաինայի նախագահ Վլադիմիր Զելենսկին։

Նրա խոսքով՝ ռուսները վախենում են Ուկրաինայի հետ ուղիղ բանակցություններ վարելուց՝ չնայած Կրեմլի ակնարկներին։ Զելենսկին նշել է, որ այդ ազդանշանները կարող են վկայել կա՛մ մտավախության մասին, որ ԱՄՆ-ն դուրս կգա բանակցային գործընթացից, կա՛մ, ընդհակառակը, ցանկություն, որ Վաշինգթոնը դադարեցնի դրան մասնակցել։

Մեկնաբանելով ԱՄՆ-Ռուսաստան բանակցությունները՝ Զելենսկին ասել է, որ Ուկրաինան շատ բան գիտի այն ամենի մասին, ինչ պետք է իմանա։

«Ես նկատի ունեմ՝ կոնկրետ Ուկրաինայի հարցը»,- պարզաբանել է նա։