«ԵՄ-ն աջակցում է Ադրբեջանի և ՀՀ-ի միջև կայուն խաղաղության համաձայնագրի կնքմանը»․ Կալլաս

ԵՄ-ն աջակցում է Ադրբեջանի և Հայաստանի միջև կայուն խաղաղության համաձայնագրի կնքմանը, Բաքվում Ադրբեջանի արտգործնախարար Ջեյհուն Բայրամովի հետ համատեղ մամուլի ասուլիսում հայտարարել է ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասը։

«Մենք կշարունակենք ջանքեր գործադրել տարածաշրջանում երկարատև խաղաղության հաստատման ուղղությամբ», - նշել է Կալլասը։

ԵՄ գերագույն ներկայացուցիչը հայտարարել է նաև ԵՄ-ի և Ադրբեջանի միջև նոր գործընկերության և համագործակցության համաձայնագրի շուրջ բանակցությունների վերսկսման մասին։