Ռուսաստանն ու Թուրքիան խորհրդակցություններ են անցկացրել Մերձավոր Արևելքում ստեղծված իրավիճակի շուրջ

Թուրքիան և Ռուսաստանը Ստամբուլում խորհրդակցություններ են անցկացրել Մերձավոր Արևելքի իրավիճակի վերաբերյալ, որի ընթացքում քննարկվել են Սիրիայում և Գազայի հատվածում տեղի ունեցող զարգացումները։

Այս մասին հայտնել է Թուրքիայի արտաքին գործերի նախարարությունը։

Անկարան ընդգծել է հակասիրիական պատժամիջոցները վերացնելու անհրաժեշտությունը և պատրաստակամություն է հայտնել ավելի սերտ համակարգման աշխատանքներ տանել բոլոր շահագրգիռ կողմերի հետ՝ տարածաշրջանը կայունացնելու համար։

«Հաստատվել է քաղաքական երկխոսության և միջազգային համագործակցության կարևորությունն օրակարգի հիմնական հարցերի շուրջ, այդ թվում՝ մարդասիրական օգնության և Սիրիայի վերականգնման հարցերում»,- հավելել է աղբյուրը։