Ջենիֆեր Լոպեսի երևանյան համերգի տոմսերի արժեքը 25.000-180.000 դրամ է

3001

Ուրբաթ, 25 ապրիլի, 2025 թ., 18:54

Ամերիկացի հանրահայտ երգչուհի, երգահան, դերասանուհի, պրոդյուսեր Ջենիֆեր Լոպեսի երևանյան համերգի տոմսերի վաճառքն սկսվելու է ապրիլի 29-ից՝ Հայաստանի ժամանակով ժամը 12։00-ից:

Այս մասին տեղեկանում ենք Ջենիֆեր Լոպեսի ֆեյսբուքյան էջից:
Կան հետևյալ արժեքներով տոմսեր՝ 25000, 35.000, 50.000, 55.000, 60.000, 180.000 դրամ:

Հիշեցնենք՝ միջազգային հռչակ վայելող երգչուհի Ջենիֆեր Լոպեսը համաշխարհային շրջագայությամբ հանդես կգա նաև Հայաստանում, որը կլինի նրա համերգաշրջանի վերջին կանգառը:

Լոպեսը «Up all night» խորագրով համաշխարհային տուրի շրջանակներում ելույթ կունենա Երևանում օգոստոսի 3-ին Վազգեն Սարգսյանի անվան Հանրապետական ստադիոնում։ Համերգի սկիզբը կլինի ժամը 20։00-ին։

Աղբյուրը` Ջենիֆեր Լոպես