Մերձմոսկվայում ավտոմեքենայի պայթյունից զոհվել է ՌԴ բարձրաստիճան զինվորական Յարոսլավ Մոսկալիկը

Մերձմոսկովյան Բալաշիխայում Volkswagen ավտոմեքենայի պայթյունի հետևանքով զոհվել է ՌԴ ԶՈՒ գլխավոր շտաբի օպերատիվ վարչության պետի տեղակալ Յարոսլավ Մոսկալիկը: Պայթյունը տեղի է ունեցել ապրիլի 25-ին, Մոսկվայի ժամանակով ժամը 10:40-ի սահմաններում:
Գեներալ-լեյտենանտ Իգոր Կիրիլովից հետո, որը պայթյունի հետևանքով մահացել էր Մոսկվայում՝ 2024 թվականի դեկտեմբերին, նա աստիճանով երկրորդ ռուս զինվորականն է, որը զոհվում է Ուկրաինայում ընթացող պատերազմի ժամանակ։ MASH-ը հայտնում է, որ մեքենայի նախկին տերը եղել է Ուկրաինայից:

Պայթյունը տեղի է ունեցել ինքնաշեն պայթուցիկ սարքի պատճառով։ Ականատեսները կադրեր են հրապարակել պայթյունի վայրից: