«Հայաստանն ունի՞ Հնդկաստանին աջակցության խնդիր, թե՞ ոչ»․ Արա Պողոսյան

Քաղաքագետ Արա Պողոսյանի ֆեյսբուքյան գրառումը․ «Հնդկաստանը Հայաստանի համար ռազմավարական դաշնակից է, ու համատեղությամբ, այս պահին զենքի ամենամեծ մատակարարը։
Միաժամանակ Պակիստանի հետ դիմակայության ընթացքում ունի ԵՄ, Իսրայելի և ԱՄՆ աջակցությունը։
Պակիստանն իր հերթին, որպես ագրեսիվ իսլամի երկիր, ունի Թուրքիայի, Ադրբեջանի, թյուրքական երկրների, ինչպես նաև՝ որ ամենակարևորն է՝ Չինաստանի աջակցությունը։
Չինական աջակցության հիմքը Հնդկաստանի հետ չինական տնտեսական և քաղաքական դիմակայությունն է։ Ուստի Պակիստանը Չինաստանի համար ունի ինչ-որ իմաստով բուֆերի նշանակություն։
Հնդկաստանի և Պակիստանի միջև իրադարձությունները կարող են զարգանալ չափազանց ինտենսիվ և անկանխատեսելի։
Հիմա հարց Հայաստանի «գիտակներին», Հայաստանն ունի՞ Հնդկաստանին աջակցության խնդիր, թե՞ ոչ։
Եթե այո, ապա ինչպե՞ս պետք է արտահայտվի Հայաստանի աջակցությունը իր ռազմավարական դաշնակցին։
Նայեք, հետո չստացվի, որ ձեր դաշնակցի նկատմամբ ձեզ պահեք էնպես, ինչի մեջ մեղադրում եք ուրիշներին։
Չէ, ես ոչինչ չեմ ասում, ընդամենը հուշում եմ, որ պատրաստ լինեք»։