«Միգուցե Պուտինը չի՞ ուզում դադարեցնել պատերազմը». Թրամփ

Վատիկանում Ուկրաինայի նախագահ Վլադիմիր Զելենսկու հետ հանդիպումից հետո ԱՄՆ նախագահ Դոնալդ Թրամփը գրառում է կատարել իր Truth Social հարթակում, որն ավարտվում է հետևյալ խոսքերով. «Վերջին մի քանի օրերի ընթացքում Պուտինը որևէ պատճառ չուներ հրթիռակոծելու քաղաքացիական տարածքների, քաղաքների և ավանների վրա։ Սա ինձ մտածելու տեղիք է տալիս, որ միգուցե նա չի՞ ուզում դադարեցնել պատերազմը, պարզապես քթիցս բռնած ման է տալիս, միգուցե նրա հետ ա՞յլ կերպ պետք է վարվել՝ «բանկային» կամ «երկրորդային պատժամիջոցների» միջոցով։ Չափազանց շատ մարդիկ են մահանում»։