Վանկուվերում մեքենան մխրճվել է ամբոխի մեջ․ կան զոհեր

Վանկուվերում մեքենան մխրճվել է փողոցային փառատոնի ժամանակ հավաքված ամբոխի մեջ, ինչի հետևանքով 8 մարդ զոհվել է, նրանց թվում նաև մեկ երեխա։ Այս մասին հաղորդում է CBC-ն՝ հղում անելով ոստիկանությանը։

Բացի այդ, մի քանի մարդ վիրավորվել է։ Վարորդը ձերբակալվել է։ Իրավապահ մարմինները սկսել են հետաքննություն։

Ինչպես պարզաբանում է հեռուստաալիքը, մեքենան մխրճվել է ամբոխի մեջ ապրիլի 26-ի երեկոյան, տեղական ժամանակով մոտավորապես ժամը 20:00-ին։ Դա տեղի է ունեցել Արևելյան 41-րդ պողոտայի և Ֆրեյզեր փողոցի մոտակայքում, որտեղ տեղի էր ունենում փառատոնը։