«Բոլորի նյարդերն էլ կարող են տեղի տալ». Տիգրան Ավինյան

«Արթուր Չախոյանն ու Մեսրոպ Մանուկյանն ահազանգում են, որ Նոր Նորքի թաղապետն իրենց հայհոյել է նրա համար, որ իրենք տեսանյութ են հրապարակել, որտեղ մանկապարտեզներից մեկն անորակ է նորոգվել: Ինչպե՞ս կմեկնաբանեք»,- դիմելով Երևանի քաղաքապետ Տիգրան Ավինյանին՝ հարցրին լրագրողները: «Կոնկրետ այդ դեպքը, որ նկարագրում եք, խոսքը մի մանկապարտեզի մասին է, որը քաղաքապետարանը դեռևս չի ընդունել: Այո, այդտեղ կան խնդիրներ. Երևանի քաղաքապետարանի շինբարեկարգման վարչությունն ամբողջությամբ դեռ չի վճարել գումարը։ Հիմա ընթանում է այդ խնդիրների լուծման գործընթացը՝ շինարարին, տեխհսկողին և մնացածին աշխատեցնելը, ինչն անում ենք... Երբ հասկանում ես, որ քաղաքապետարանն այդ աշխատանքը չի ընդունել ու ամեն անգամ գնում ես այն հատվածները, որտեղ դեռ չի ընդունել ու բարձրայնում ես խնդիրների մասին, պարզա է, որ....»,- ասաց Ավինյանը: «Երբ անցնում են անձերի բարոյականությանը, վիրավորանքներին, կներեք, բոլորն էլ մարդ են, կարող են նյարդերը տեղի տալ ու մի բան էլ կարող է մյուս կողմն ասել»,- շարունակեց նա: