Թել Ավիվը միջազգային օգնություն է խնդրում հրդեհները մարելու համար

2095

Հինգշաբթի, 01 մայիսի, 2025 թ., 10:27

Իսրայելում անտառային հրդեհները մոլեգնում են։ Մասնավորապես, կրակը տարածվել է Երուսաղեմի արվարձաններում։

Սիոն ազգային պարկի շրջակայքում բռնկվող հրդեհները դուրս են եկել վերահսկողությունից։ Քամին կրակը տանում է դեպի բնակելի թաղամասեր, ճանապարհները պատվում են ծխով։ Հրդեհը մոտեցել է Իսրայելի գլխավոր տրանսպորտային զարկերակին՝ Երուսաղեմ-Թել Ավիվ մայրուղուն։

Թել Ավիվը միջազգային օգնություն է խնդրում հրդեհները մարելու համար։ Առաջին ինքնաթիռներն ուղարկել են Իտալիան, Հունաստանը, Խորվաթիան և Կիպրոսը։

Նախօրեին Իսրայելում խոշոր անտառային հրդեհներ են բռնկվել, ինչի հետևանքով հազարավոր մարդիկ տարհանվել են։ Առնվազն 16 մարդ հոսպիտալացվել է ծխահեղձության պատճառով։