Մահացել է աշխարհի ամենատարեց մարդը

116 տարեկանում մահացել է մոլորակի ամենատարեց մարդը՝ բրազիլացի միանձնուհի Ինա Կանաբարու Լուկասը, հայտնում է BBC-ն՝ վկայակոչելով Բրազիլիայի Պորտո Ալեգրե քաղաքի Կարմելիտ քույրերի միաբանության հայտարարությունը։

Ինա Կանաբարուն ծնվել էր 1908 թվականի հունիսի 8-ին, նա միանձնուհի էր դարձել 1934 թվականին՝ 26 տարեկանում։ Կանաբարուն Երկրի ամենատարեց բնակչի կարգավիճակ էր ստացել 2024 թվականի դեկտեմբերին՝ ճապոնացի Տոմիկո Իտոոկայի մահից հետո, վերջինս նույնպես ապրել էր 116 տարի։
Ներկայում աշխարհի ամենատարեց բնակչի տիտղոսն անցել է 115-ամյա բրիտանուհի Էթել Քաթերհեմին: