«Իրանը միջուկային վառելիքի ամբողջական ցիկլին տիրապետելու լիակատար իրավունք ունի»․ Արաղչի

Իրանի արտաքին գործերի նախարար Աբաս Արաղչին Х սոցցանցում գրել է․ «Որպես կանոն, ես ձեռնպահ եմ մնում մամուլում բանակցությունների առանցքային տարրերի վերաբերյալ փաստարկներ ներկայացնելուց, ասում եմ՝ ստի կրկնությունը չի փոխի հիմնական փաստերը։ Որպես ՄԶՉՊ-ն (Միջուկային զենքի չտարածման պայմանագիր- խմբ.) ստորագրող երկիր՝ Իրանն ունի միջուկային վառելիքի ամբողջական ցիկլին տիրապետելու լիակատար իրավունք: Ավելին, կան ՄԶՉՊ մի քանի անդամներ, որոնք հարստացնում են ուրան՝ ամբողջությամբ հրաժարվելով միջուկային զենքից։ Բացի Իրանից, «ակումբը» ներառում է մի քանի ասիական, եվրոպական և հարավամերիկյան երկրներ։ Մաքսիմալիստական ​​դիրքավորումը և բորբոքված հռետորաբանությունը այլ բանի չեն հանգեցնում՝ հաջողության շանսերի նվազումից բացի: Հուսալի և երկարաժամկետ համաձայնությունը հասանելի է: Այն ամենը, ինչ պահանջվում է, ուժեղ քաղաքական կամքը և արդար վերաբերմունքն են»։