Իրանում կայծակի հարվածից զոհեր և տուժածներ կան

Իրանի արևմուտքում՝ Քերմանշահ նահանգում, կայծակի հարվածի հետևանքով երկու մարդ է զոհվել, ևս չորսը տուժել են․ հայտնել է Tasnim գործակալությունը։

«Ցավոք Հասանաբադ գյուղում կայծակի հարվածի հետևանքով երկու մարդ զոհվել է, ևս երեքը ստացել են վնասվածքներ։

Բացի դրանից՝ Ջավանռուդ-Ռավանսար ավտոճանապարհին ևս մեկ քաղաքացի տուժել է կայծակի հարվածից և այժմ գտնվում է բժշկական հսկողության ներքո»,- նշված է նահանգի արտակարգ իրավիճակների կառավարման մարմնի ղեկավարի հայտարարության մեջ։