Շաբաթ, 20 դեկտեմբերի, 2025 թ.
|
Ստեփանակերտում`   +3 °C

Մոսկվայում արգելվել են հրավառությունները, ԱԹՍ-ների կիրառումը

Մոսկվայում արգելվել են հրավառությունները, ԱԹՍ-ների կիրառումը
756
Կիրակի, 04 մայիսի, 2025 թ., 19:02

Մոսկվայի բնակիչներին արգելվում է հրավառություն օգտագործել մինչև մայիսի 9-ը։ Բացի այդ, Մոսկվայում կդադարեցվեն անօդաչու թռչող սարքերի թռիչքները, տուգանքը՝ 50 հազար ռուբլի։ Մայրաքաղաքի ոստիկանությունը արգելքները կապել է «սադրանքների դեպքերի աճի» հետ, ասվում է գերատեսչության հայտարարության մեջ։
Արգելքը խախտողները կենթարկվեն վարչական պատասխանատվության «օդային տարածքի օգտագործման կանոնների խախտման», «օդանավերի անվտանգության կանոնների խախտման» և «հրդեհային անվտանգության պահանջների խախտման» հոդվածներով։ «Ավելի լուրջ հետևանքների դեպքում հրավառ նյութեր օգտագործող անձի գործողությունները կդասակարգվեն Ռուսաստանի Դաշնության Քրեական օրենսգրքի նորմերին համապատասխան»,- հայտարարել է ՆԳՆ Մոսկվայի գլխավոր վարչությունը։