«Առանց էական ճնշման՝ Պուտինը խաղաղության չի գնա»․ Զելենսկի

Անհրաժեշտ է ուժեղացնել ճնշումը Մոսկվայի վրա։ Այս մասին հայտարարել է Ուկրաինայի նախագահ Վլադիմիր Զելենսկին՝ Չեխիայի նախագահի հետ համատեղ ասուլիսում։

«Առանց էական ճնշման Պուտինը որևէ իրական քայլ չի ձեռնարկի ռազմական հակամարտությունը դադարեցնելու համար։ Այսօր 54-րդ օրն է՝ ինչ Ռուսաստանն անտեսել է նույնիսկ ամերիկյան հրադադարի առաջարկը»,- նշել է Ուկրաինայի նախագահը՝ հավելելով, որ հրադադարը պետք է տևի առնվազն 30 օր՝ «դիվանագիտությանն իրական հնարավորություն տալու համար»։

Հիշեցնենք ՌԴ նախագահ Վլադիմիր Պուտինը ապրիլի 28-ին հայտարարել էր Հայրենական մեծ պատերազմում հաղթանակի 80-ամյակի կապակցությամբ հրադադարի մասին, որն ուժի մեջ կլինի մայիսի 7-11-ը։