ԱՄՆ-ի բանտերի դաշնային բյուրոն պատրաստ է վերաբացել Ալկատրասը

ԱՄՆ-ի բանտերի դաշնային բյուրոն հայտարարել է, որ պատրաստ է քայլեր ձեռնարկել Ալկատրասի բանտը վերաբացնելու համար, երկուշաբթի օրը հաղորդել է CBS-ը։

«Բանտերի դաշնային բյուրոն կատարում է նախագահի բոլոր հրամանները։ Երբ մենք ստանանք լրացուցիչ տեղեկություններ, ուրախ կլինենք դրանք կիսել ձեզ հետ», - նշել է գերատեսչությունը՝ մեկնաբանելով Թրամփի խոսքերը։

Ավելի վաղ ԱՄՆ-ը հայտարարել էր, որ հրամայել է վերականգնել Ալկատրասի կալանավայրերը։

«Այսօր ես հանձնարարում եմ Բանտերի դաշնային բյուրոյին, Արդարադատության, Հայրենիքի անվտանգության նախարարություններին և ՀԴԲ-ին վերաբացել Ալկատրասի պետական ​​բանտը՝ էապես վերակառուցված և ընդլայնված տեսքով, որպեսզի այնտեղ պահվեն երկրի ամենադաժան և վտանգավոր հանցագործները»,- մայիսին գրել էր նա Truth Social-ում։

Ալկատրասի խիստ ռեժիմի բանտը գտնվում է Սան Ֆրանցիսկոյի ծոցի կղզում։ Այն համաշխարհային ճանաչում է ձեռք բերել՝ որպես ամենավտանգավոր հանցագործների պահման վայր, մոլորակի ամենապաշտպանված վայրերից մեկը՝ մասամբ իր մեկուսացված գտնվելու շնորհիվ։ 1963 թվականին, ենթակառուցվածքների ոչնչացման և բանտի պահպանման ու վերանորոգման բարձր ծախսերի պատճառով որոշում կայացվեց այն փակել։ Դրանից հետո Ալկատրասը դարձավ թանգարան և հայտնի զբոսաշրջային տեսարժան վայր։