«Բրազիլիան կցանկանար միջնորդի դեր ստանձնել Ուկրաինայի հարցում»․ #Globo

Բրազիլիայի նախագահ Լուիս Ինասիո Լուլա դա Սիլվայի վարչակազմը կցանկանար միջնորդի դեր ստանձնել Ուկրաինայում հակամարտության կարգավորման շուրջ բանակցություններում, քանի որ հակամարտությանը վերջ տալուЧ ԱՄՆ-ի ջանքերը մինչ օրս կոնկրետ արդյունքներ չեն տվել։ Այս մասին հաղորդում է բրազիլական O Globo թերթը՝ հղում անելով հարավամերիկյան հանրապետության կառավարության աղբյուրներին։

Ըստ աղբյուրի՝ Հաղթանակի օրվա տոնակատարություններին մասնակցելու համար Լուլա դա ՍիլվայիЧ Մոսկվա կատարելիք այցը կոչված է ցուցադրելու Բրազիլիայի արտաքին քաղաքականության անկախությունը։

Պետության ղեկավարը ռուսական կողմին կարող է առաջարկել նաև բրազիլական դիվանագիտության հնարավորությունները՝ Ուկրաինայում ստեղծված իրավիճակը կարգավորելու համար, գրում է թերթը։

Բրազիլիայում կարծում են, որ Սպիտակ տունը չի կատարել հակամարտությունը դադարեցնելու իր խոստումները, ուստի Բրազիլիայի իշխանությունները պատրաստ են միջնորդի դեր ստանձնել։ Միևնույն ժամանակ, Բրազիլիայի կառավարությունը հակամարտության կարգավորման ավելի մեծ ցանկություն է տեսնում Ռուսաստանի, քան Եվրոմիության կամ Կիևի կողմից։

Ավելի վաղ Բրազիլիայի նախագահի՝ միջազգային հարցերով հատուկ օգնական Սելսո Ամորիմը հայտարարել էր, որ Լուլա դա Սիլվան մտադիր է Ռուսաստան կատարելիք իր այցի ընթացքում հանդես գալ՝ որպես խաղաղության դեսպան և աջակցել հակամարտության կարգավորման բանակցություններ սկսելու նախաձեռնություններին։