«Պակիստանը զերծ կմնա էսկալացիայից, եթե Հնդկաստանը դադարեցնի հարվածները». Խավաջա Ասիֆ

Պակիստանի պաշտպանության նախարար Խավաջա Ասիֆը Bloomberg-ի եթերում պատասխանելով հարցին՝ որքան հեռու է պատրաստ գնալ Պակիստանը, ասել է, որ Իսլամաբադը Հնդկաստանի դեմ ռազմական գործողությունների ծրագրեր չի ունեցել։ Պետությունը, ըստ նրա, միայն արձագանքում է հարվածներին։ «Եթե մեզ վրա հարձակվեն, մենք կպատասխանենք: Եթե Հնդկաստանը հետ կանգնի, մենք պատրաստ ենք դադարեցնել լարվածությունը»,- նշել է նա:

Ավելի վաղ Հնդկաստանը հայտարարել էր, որ հարվածել է Պակիստանում գտնվող 9 թիրախների՝ ահաբեկչական ենթակառուցվածքների, որտեղից կազմակերպվում և ղեկավարվում են հարձակումները Հնդկաստանի վրա: