Կաշառք ստանալու համար մեղադրվող ՍԱՏՄ երկու պաշտոնյաների վերաբերյալ նախաքննությունն ավարտվել է
![]() 676 Չորեքշաբթի, 07 մայիսի, 2025 թ., 10:54 ՀՀ հակակոռուպցիոն կոմիտեում քննված քրեական վարույթով իրականացված նախաքննությամբ հիմնավորվել է, որ ՀՀ սննդամթերքի անվտանգության տեսչական մարմնի (ՍԱՏՄ) Վայոց ձորի մարզային կենտրոնի երկու գլխավոր տեսուչները, իրենց լիազորություններն օգտագործելով կաշառք տվողի կամ նրա մատնանշած անձի օգտին անգործություն կատարելու համար, խմբի կազմում, նախնական համաձայնությամբ տարբեր տնտեսվարողներից կաշառք են ստացել, ինչպես նաև կատարել պաշտոնեական կեղծիք: Մասնավորապես՝ նախաքննությամբ պարզվել է, որ հիշյալ պաշտոնատար անձինք հայտնաբերված խախտումների պայմաններում չեն կասեցրել մսի իրացումը և հետագա ոչնչացման նպատակով այն չեն առգրավել, ինչպես նաև չեն կազմել խախտում թույլ տված անձանց վարչական պատասխանատվության ենթարկելու արձանագրություններ, որի դիմաց տնտեսվարողներից որպես կաշառք ստացել են վառելանյութ և տարբեր չափի գումարներ։ Ապօրինի անգործության համար խմբի կազմում կաշառք ստանալու և պաշտոնեական կեղծիք կատարելու համար երկու պաշտոնատար անձանց մեղադրանքներ են ներկայացվել ՀՀ քրեական օրենսգրքի 445-րդ հոդվածի 2-րդ մասով և 435-րդ հոդվածի 2-րդ մասի 1-ին և 3-րդ կետերով (4 դրվագ)։ Մեղադրանքներ են ներկայացվել նաև հիշյալ պաշտոնատար անձանց կաշառք տված չորս քաղաքացիներին, որոնց նկատմամբ քրեական հետապնդումը նախաքննության ընթացքում դադարեցվել է գործուն զղջալու հիմքով։ ՍԱՏՄ պաշտոնատար անձանց վերաբերյալ քրեական վարույթով նախաքննությունն ավարտվել է, և վարույթի նյութերը մեղադրական եզրակացությամբ ուղարկվել են ՀՀ հակակոռուպցիոն դատարան: |
Ֆրանսիայի ԱԳ նախարարը կժամանի Հայաստան
199Երեկ, 19:42«Ողջունում եմ Եվրոպական քաղաքական համայնքի գագաթնաժողովը 2028-ին Ադրբեջանում անցկացնելու որոշումը»․ Նիկոլ Փաշինյան
391Երեկ, 19:20Սերժ Սարգսյանը մեղադրվում է շուրջ 3 միլիոն դոլար կաշառք ստանալու համար
302Երեկ, 19:00Անհետ կորած 17-ամյա աղջիկը հայտնաբերվել է
230Երեկ, 17:30Մայր Աթոռի արձագանքը՝ Կովկասի մուսուլմանների վարչության նախագահի ստահոդ հայտարարություններին
137Երեկ, 17:18«Վերջին զանգի» մասնակից անձանց 109 տրանսպորտային միջոց տեղափոխվել է հատուկ տարածքներ
200Երեկ, 12:54Գերեվարված Դավիթ Իշխանյանին Արցախի խորհրդարանում կփոխարինի Աշոտ Դանիելյանը
48122.05.2025, 21:48ԶՈՒ ԳՇ պետ Էդվարդ Ասրյանի գլխավորած պատվիրակությունը Կիպրոսի Հանրապետությունում է
25622.05.2025, 17:24