Փարիզում մեքենան մխրճվել է ՊՍԺ-ի հաղթանակը տոնող երկրպագուների բազմության մեջ

2456

Հինգշաբթի, 08 մայիսի, 2025 թ., 11:21

Փարիզի Շանզ Էլիզե հրապարակում մեքենան մխրճվել է «Պարի Սեն Ժերմեն» (ՊՍԺ) ֆուտբոլային ակումբի երկրպագուների ամբոխի մեջ։ Այս մասին հաղորդում է Le Parisien-ը՝ նշելով, որ վիրավորվել է երեք մարդ, որոնցից մեկը ծանր վիճակում տեղափոխվել է հիվանդանոց։

Ըստ աղբյուրի՝ երկրպագուների բազմության մեջ բախվելուց հետո մեքենայի վարորդը փորձել է հեռանալ, սակայն երկրպագուները նրան դուրս են հանել մեքենայից և այրել մեքենան։ Ականատեսները պատմել են, որ մեքենան շուտով պայթել է և ամբողջությամբ այրվել։ Վարորդի ճակատագրի մասին դեռևս տեղեկություններ չկան։