Իսրայելն ու Թուրքիան Բաքվում բանակցություններ կանցկացնեն

Թուրքիայի և Իսրայելի ներկայացուցիչները այսօր կհանդիպեն Ադրբեջանի մայրաքաղաքում՝ ոչ պաշտոնական բանակցություններ վարելու համար։

Ինչպես հաղորդում է Report-ը՝ հղում անելով իսրայելական Kan 11 հեռուստաալիքին, հանդիպումը կազմակերպվել է Ադրբեջանի միջնորդությամբ և նպատակ ունի նվազեցնել լարվածությունը՝ կապված Սիրիայում Թուրքիայի աճող ակտիվության և երկու երկրների միջև ուղղակի ռազմական բախման սպառնալիքի հետ։

Աղբյուրների տվյալներով՝ իսրայելական կողմը մտադիր է անվտանգության ոլորտում երկու հիմնական պահանջ ներկայացնել՝ իր սահմանների մոտ թշնամական զինված կազմավորումների ներկայության բացառումը, ինչպես նաև Սիրիայում ռազմավարական զենքի տեղակայման կանխումը, որը կարող է սպառնալ Իսրայելի ազգային անվտանգությանը։