Երկուշաբթի, 20 ապրիլի, 2026 թ.
|
Ստեփանակերտում`   +8 °C

Զելենսկին, Մակրոնը, Մերցը, Սթարմերն ու Տուսկը Կիևից զրուցել են Թրամփի հետ

Զելենսկին, Մակրոնը, Մերցը, Սթարմերն ու Տուսկը Կիևից զրուցել են Թրամփի հետ
738
Շաբաթ, 10 մայիսի, 2025 թ., 15:56

Բանակցությունների համար Կիև ժամանած Ֆրանսիայի նախագահ Էմանուել Մակրոնը, Գերմանիայի կանցլեր Ֆրիդրիխ Մերցը, Մեծ Բրիտանիայի վարչապետ Քիր Սթարմերը և Լեհաստանի վարչապետ Դոնալդ Տուսկը հեռախոսազրույց են ունեցել ԱՄՆ նախագահ Դոնալդ Թրամփի հետ, հայտնել է Ուկրաինայի արտաքին գործերի նախարար Անդրեյ Սիբիգան։ Տեղեկացվել է, որ Ուկրաինան պատրաստ է 30-օրյա հրադադարի՝ սկսած երկուշաբթի օրվանից։
«Եթե Ռուսաստանը համաձայնի և ապահովվի արդյունավետ մոնիթորինգ, ապա կլինի հուսալի հրադադար, և վստահության ամրապնդման միջոցառումները կարող են ճանապարհ հարթել խաղաղ բանակցությունների համար»,- ասել է Սիբիգան։

Ավելի ուշ Մեծ Բրիտանիայի կառավարության կայքում համատեղ հայտարարություն է հրապարակվել, որտեղ կոչ է արվում Ռուսաստանին՝ համաձայնել 30-օրյա լիարժեք և առանց պայմանների հրադադարին։