Թուրքիայում ավտոբուսը բախվել է բեռնատարին, կան զոհեր

Թուրքիայի արևմուտքում ավտոբուսը բախվել է բեռնատարին և մեքենային, ինչի հետևանքով զոհվել է առնվազն ութ մարդ․ հաղորդել է AHaber հեռուստաալիքը։
«Մոտավորապես ժամը 13:00-ին Չանաքքալե-Էզինե մայրուղում ավտոբուսը բախվել է գերաններով բեռնված ինքնաթափ բեռնատարին և ուղևորատար մեքենային։ Նախնական տվյալներով՝ զոհվել է առնվազն ութ մարդ», - հայտնել է հեռուստաալիքը։
Ըստ աղբյուրի՝ վթարի հետևանքով կան շատ վիրավորներ, որոնց տեղափոխել են մոտակա հիվանդանոցներ։