Շաբաթ, 10 մայիսի, 2025 թ.
|
Ստեփանակերտում`   +16 °C

«Ուիթքոֆը պետք է Ուկրաինայի վերաբերյալ 22 առաջարկ ներկայացնի Պուտինին». #NBC

«Ուիթքոֆը պետք է Ուկրաինայի վերաբերյալ 22 առաջարկ ներկայացնի Պուտինին». #NBC
196
Այսօր, 19:52

ԱՄՆ նախագահի հատուկ բանագնաց Սթիվ Ուիթքոֆը պետք է Ռուսաստանի նախագահ Վլադիմիր Պուտինին փոխանցի Ուկրաինայում հակամարտության կարգավորման վերաբերյալ 22 առաջարկներից բաղկացած ցանկ։ Այս մասին հաղորդում է NBC-ն՝ հղում անելով անանուն արևմտյան պաշտոնյայի։
«Ամերիկացի, եվրոպացի և ուկրաինացի բանակցողները կազմել են 22 առաջարկներից բաղկացած ցանկ (ուկրաինական հակամարտության կարգավորման համար), այդ թվում՝ 30-օրյա հրադադարի առաջարկ... Ուիթքոֆը պետք է այն ներկայացնի Ռուսաստանի նախագահին», - ասվում է հեռուստաալիքի հայտարարության մեջ։

Ըստ աղբյուրի՝ առաջարկների ցանկում ներառված է նաև Պուտինի պահանջը, որ ԱՄՆ-ն չի աջակցի Ուկրաինայի անդամակցությանը ՆԱՏՕ-ին»։
Համապատասխան առաջարկները ՌԴ նախագահին փոխանցելու համար Ուիթքոֆի հանդիպման վայրի ու ժամանակի մասին մանրամասներ չեն հաղորդվում: