«ԱՄՆ-ի նպատակը խաղաղության հաստատումն է, այդ թվում՝ ՀՀ-ի և Ադրբեջանի միջև»․ պետքարտուղարի տեղակալ

ԱՄՆ պետքարտուղարի տեղակալ Քրիստոֆեր Լանդաուն X-ի իր միկրոբլոգում գրառում է կատարել Հնդկաստանի և Պակիստանի, ինչպես նաև այլ երկրների, այդ թվում ՝ Հայաստանի և Ադրբեջանի միջև խաղաղության հաստատմանն ուղղված ԱՄՆ գործողությունների մասին:

«Պատիվ եմ ունեցել ականատես լինելու, թե ինչպես է պետքարտուղար Ռուբիոն վերջին օրերին հեռախոսով շփվում Հնդկաստանի և Պակիստանի ղեկավարների հետ՝ իրավիճակի վտանգավոր սրացումը կանխելու համար։ ԱՄՆ նախագահ Դոնալդ Թրամփը և փոխնախագահ Ջեյ Դի Վենսն ասել են՝ մեր նպատակն է նպաստել խաղաղության հաստատմանը՝ լինի դա Հնդկաստանի և Պակիստանի, Ռուսաստանի և Ուկրաինայի, Իսրայելի և նրա հարևանների, Կոնգոյի և Ռուանդայի, Ադրբեջանի և Հայաստանի կամ այլ երկրների միջև։ Որպես դիվանագետներ՝ մենք կոչված ենք կանխել կամ դադարեցնել պատերազմը: Հպարտ ենք, որ մեր թիմն այսօր կարողացավ կատարել այդ խոստումը, և երախտագիտություն ենք հայտնում Հնդկաստանի և Պակիստանի ղեկավարությանը՝ խոհեմությունն ու զսպվածությունն ընտրելու համար»,- հայտարարել է ԱՄՆ պետքարտուղարի տեղակալ Քրիստոֆեր Լանդաուն: