Ռուբեն Ռուբինյանը հրաժարվեց ընդունել Էդգար Ղազարյանին

Հասարակական, քաղաքական գործիչ Էդգար Ղազարյանն այսօր պատրաստվում էր, քաղաքացիների ընդունելության շրջանակներում, հանդիպել ԱԺ փոխխոսնակ Ռուբեն Ռուբինյանի հետ։ Նա հայտնեց, որ Ռուբինյանը հրաժարվել է իրեն ընդունել, թեպետ քաղաքացիների ընդունելությունը չի չեղարկվել․ «Խուսափում է, վախենում է երևի լսել այն փաստարկները, որոնց պատասխանը չունի։ Ես կբողոքարկեմ նրա անգործությունը, նա իրավունք չունի ընտրողաբար քաղաքացիներ ընդունել։ Սա կամայականություն է, իրենք են ընդունելությունը նախաձեռնել, զանգել, գրանցվել եմ, հիմա դրանից խուսափելը պաշտոնական պարտականություններից խուսափում է և անհասկանալի պատճառով։ Ես անձնական հարցով չէի եկել, նպատակը վարչապետին անվստահություն հայտնելու գործընթացի վերաբերյալ հարցի քննարկումն էր»,- ասաց Ղազարյանը։